Allns öber uns

Aktuell! Aktuell!

Moin!

so, nu hebbt wie´t wedder achter uns.
De "Düvelsblitz" schleit nich miehr in.
Wör wedder een scheune Speeltied und ick müch mi an düsse Steed nochmol bi de veelen Toukiekers bedanken, de sick trotz dat schleche Wehr ob den Wech no uns mookt hebbt und unser Speel mit ganz veel Hannengeklapper belohnt hebbt.

Nu kiert ierstmol wedder een beeten Ruh in.

Öber ick kann Jou verspreeken: De nächste Speeltied kummt bestimmt.
Wir ward uns wedder een scheun Stück för Jou utseuken und ick hoff doch, dat wie uns denn tou sehn kriecht.

Bit denn hoult Jou stief und blievt wie ji sünd

joun
Harry Löll

Aktuell! Aktuell!



Leeve Frünnen von't plattdütsche Theoter!

Seit 1966 speelt de Bliersdörper Theodergrupp al jedes Johr een bit
twee plattdütsche Stücken. Dormit sünd wi in uns tweeunveertichste Johr,
un in de Tied hebbt wi dat nu al op öber 50 Stücken bröcht.
Unse Grupp hett sik ut de tomolige Dörpjugend bild, un is seit de Tied
een faste Institutschon in't Dörp. Von de Gründer sünd vundooch noch
veele aktiv dorbi.
In uns Grupp sünd so üm und bi 30 Mitglieder, so genau kann ick dat
gornich seggen, kommt jümmer welke to, goht öber ok mol welke.

Wenn ji een poor Büller von uns letze Stücken sehn wüllt, denn goht eenfach mol op uns Büller Siet. Dor hebb ji de Möchlichkeit, to kieken, wat Vadder Hillen von uns so knipst und in´t Netz stellt hett

Wenn't jou interesseert, wat wi bit nu al speelt hebbt, den kiek doch
mol ünner Gespielte Stücke no. Dor steiht dat.

För de, de nich weet, wo Bliersdörp licht: Ji find uns twüschen Buxtu un
Stood, glieks vonne B73 af.
Kiekt doch eenfach mol vörbi, wi deen uns frein.

Wüllt ji noch mehr öber uns weeten, denn schrieft uns doch mol
Termine und Kontaktadresse. Hier steit ok, wann wi speelt un wo dat Korden gift, oder ji bestellt de Korden glieks hier:

Wo Du doch al mol op uns Siet land büst, dor dreech Di doch ok glieks in
uns Gästebuch in. Wi wüllt jo ok giern weeten, keen so bi uns rinkickt.